Aid nazzikk at o hajjám sakk rassh atant. Thalu atk o wati hókény gept o shot.
É mósomá hajjámáni yakk mazanén harábié esh ent ke sar chenag o rissh tráshagay nehádán wassará wat waddénant. Na bokshiá bakshant o na kutthá. Pameshká má, sittasar marchán saray tháp kanagá pésar hajjámá jost kanén ke thálé miday chenagá chont kaldár geray? Bale hajjám géshter Thaluzaián pók kotagant.
Man wati hókénay wadárá atán ke hajjámá yakké kerim o pawdhar jat o chotthént. Cha man pésar atkagéné shot, sitthá nesht.
Páreg bitagén mardá cha kissagá hazárié kasshet o dát. Hajjám mardá anchó cháragá at goshay jostá ent ke chont bekáthán. Mardá gón borzén tawáréá jawáb dát “Drost taig ent”….
Má wadárá neshtagén yakk o domigá cháragá laggetén.
Mard cha dokkáná dar atk godhá yakkéá gón wati kashaygá gosht:
“Rógen ke báz bit kass haray mechéná charp nakkant”!
Ayn Káder