Mani pet!
Taw ke wahdé cha dayárán dursarén káay
Delá balkén bejédhay
Pa wati bacchá man ché byárán?
Kasánén rédhué?
Yakk thaypé?
Yakk Jápáni laybukké?
Do suthar?
Yakk kalamé?
Chashmaké?
Yakk rádhu gadhiálé gón jwánén pocch o póshákán?
(Bale) mani pet!
Chébari wahdé ke taw pa sar geray molká
Raway darmolki bázárán
Begenday tahr tahrén dróshomán
Béhál mabay ach man
Ke é randi
Tai bacchárá tahná yakk kaláshankópé darkár ent
Mobárek Kázi
(Janwari 1983, Karáchi)