Taw daz janay
Mani cherágén sénagá
Man halwatáni shahméá razá nabán
Tai shirgarmén bósagán zahiray barp áp bant
Maná bobós …
Manárá rakkay shahdén lezzatán beday
Ke zendagiay chahragá janant
Tai hiskagáni dam
Taw lahm lahmá daz janay
Mani homáray pokkién gamán
Man zaym bán
Manárá hinzaké bekan
Wati hawassay ácheshá gón mant
Ke chádhay ágahi zebahr kant
Delá baheshtay bémorádén waswasán
Taw wár wárá daz janay
Mani wadáray sárt sártén gellahán
Man kandagáni bramshéá razá nabán
Tai garm garmén ázahán* maláray tonn enserit
Manárá shishagé bekan
Wati karáray sáwadhá yalah beday
Manárá pokkié bekan
O gwátay kóléá gón narm narmá shen
*ázáyán
Salmán Ebráhém
(Kapódaréay Zahir Gár Ant)
