Har shapá yakkén wábá gendán man
Pézhgáhé maná tawárá ent
Dózwáhé maná tawárá ent
Jangjáhé maná tawárá ent
Jost kant har shapá hamé chizá
Taw darándhéhá raptagay parchá?
Chónén torsé tará gón bandók ent
Chónén nimónéá patátag tará
Chónén bemehrié tará gón ent
Názbuén saminá béhál ay
Cha wati golzeminá béhál ay
Ezgol o Yásaminá béhál ay
Jenday máti zobán shamoshtag taw
Nilagén ázmán shamoshtag taw
Surmagén Makkorán shamoshtag taw
Jenday mátay tará ón gir nayayt
Neshtagay dánke pa taw tir nayayt
Man hamé jédhagán gón drekk rawán
Hisk o hampán ban chó zahgéá
Hédán péshániay ón sáp kanán
Érén trondápán do golomb gerán
Bass hamé jédhán jang may jang ent
Nu é jangá man dasté mán kanán
Nu é jangá wati kanán kanán
Bárén ché ráz dant jangay pedh
Chinkadar sáz jant jangay pedh
Zánán sakk báz jant jangay pedh
Márá har hálatá rawag lóthit
Pa zeminá wati merag lóthit
Ezzat Abdál
