Kóré gón nedárah sar o chér ent
Gongi gón tawárá sar o chér ent
Tákréch mabát shálá é mósom
Kargoshké bahárá sar o chér ent
Dozhmen mani dódán naent sarpad
Gón lajj o mayárá sar o chér ent
Tawpik nakant gwams pa rahtá
Mahrigé mahárá sar o chér ent
Truzatk gón hamsáhegay truá
Bráté gón gohárá sar o chér ent
Chosh zánt ke é dard nabit wassh
Dardé pa anárá sar o chér ent
Kázi zadagén zerd zaip ent
Chont sál watárá sar o chér ent
Mobárek kázi
