É nedárag gég buán butagant pa gwam merant
Nun darámad sar gerán ant, yakk yakk mahram merant
May mohobbat rahzanén morgéay peryátén gomán
Bass wadáré ke deláni dard sabzant, chamm merant
Shap janekkén hájatáni régzárén kessahé
Pás pásá zendagiay ranj tej bant, gam merant
Máhekánén óst drapshant, bim estálán koshit
Yalacharén damkán tahári kamm kamm sarjam merant
Sambahénet nawbatáni mahwashén kaypé padá
Námahé lóthit hodá o har wadhá ádam merant
Mólomán mósom galáit o cherágán tokk jant
Sáhatéá pad begenday é merant á ham merant
Mólom Cherág
