Mocch bitagén móráni sará anágahá garmén áp retk. Bázén móré mort o bázéné tost. Yakk móréá watá wárié sengéay poshtá chér dát.
Dege yakk móré lang janáná hamé sengay kerrá raset. Chammy sengay poshtá thappetagén mórá kaptant.
“Man goshtag, taw mortagay bale tará pa tachagá áprin bát”
“Natachay dege ché kanay? É baláhén o zálemén baniádam gón má kojá dárag bant, padá taw kojá záná jang dátag?”
“Man wa nóki pédák án. Drost ke tatkagant, man kojám zahmá jat kanán?”
“Bale má baniádamy che kár haráb kotag ke márá trahagá naylit?”
“Haw bale éshán ke pa watá nabit, pa má kojá bit. Yakk degerá ke koshant, márá kojá pasht géjant?”
Damánokéay bétawáriá pad langén mórá darráént:
“Á madagá bechár chón jatk ent. Má agan sheng o sháng mabiténén, esháni shám atén.”
Jamil Mehráb