Marchi tai didáray gamán didár kanán
Bándá watárá bárén kojá man gár kanán
Mehr wapáay tonná wahdé waddénit
Tahnáiá allam man bézár kanán
Kásed ón tai pa man byayt hayrán bebit
Pollán dráhén ráhán tai rahchár kanán
Bechkandán ke wahdé manárá moh berasit
Jigá wati man arsán gón singár kanán
Mir manárá bándá donyá dar géjit
Marchi zahiray gyábáná bázár kanán
Mir Omar Mir
