Kukár macchetag, Shambu nacchetag
Barwár atkagant, dhaldémá neshtagant
Gedámán gón Balóch, gón mésh o bozgalán
Machrang ent padá pézhnáh pógas ant
Hámén ent byá, hámén ent byá
Hámén embaray wasshá washter ent
Zenday machkadag sharriá bar ent
Hál ent tai áyagay!
Gwangén may delá nógarké jatag
Pollén wáhagay macch má sond kotag
Gwarshán bastag o kongu chandhetag
Mehray borzagá bastag má shagazz
Hákóthá delay náhon dar chetag
Hámén ent byá, hámén ent byá
Náh gón shiragán kombáni tahá
Hárag grástag o táp ant borzagá
Kappu káparay chér o sáhegá
Garku, páchek o hombi hinzaká
Bahr ent byá madar dráhén métagá
Chángál nograhén táláni tahá
Hámén ent byá, hámén ent byá
Pátán ant shalag, góniá dhalag
Brenj mán gwálag o hólomb mán lachá
Pátán mán papok, chapshok mán kachá
Sohbat byá kanén, kosti byá gerén
Názénk o sepat hóriá janén
Mehray métagá, zenday kallagá
Hámén ent byá, hámén ent byá
Golám Hosayn Shóház