Diwáláni sáh bedhakkit, darwázag hayrán bebit
Chósh mayá ke mará may é tahnái táwán bebit
Sabzén cherágé gir byárit kondhéá yakk bechkandé
Hámóshiay dut bebant o dóstáni diwán bebit
Labzay bazén póshákay tahá andém nabit wáheshtay badan
Má wat géshén jost nakot ché bésah delgrán bebit
Sohrén shénkán róch najallit, sabzén shénkán sardén máh
Man wa jallán balkén bé man chandé kas wayrán bebit
Byá ke hamá jáhá óshtátag, lonthán bechkandáni sapar
Yáke mayá é donyá balkén bé taigá wasshán bebit
Zánt chó yáray gapp nagishant, á shawkén estár watá
Kamm singárit dánke gón man gapp janag arzán bebit
Washbuéay sáz bemánit dán hast ant é pand Zobayr
Man cha jáhá pád mayáyán del donyá gardán bebit
Zobayr Kambar