Kayp o kaddah gón hamá polgodén Shári bátant
Zend bémark bebát ent, hamá bári bátant
Washnasib ent ke gipt pakk golábén rakkán
Shálá má di chó saminá tai chári bátán
Dér mánit tákadá shishagi bangáni malár
Má tai kaddahén chammáni homári bátán
Shap cha tai mahparán sheng bát, kadi róch mabát
Zánsará má tai dán mark, wadári bátán
Oo mani máh! Chó jóhán tará ambázán
Sheng mahkánén sariá ke shahári bátán
Rólahi bit ke srapant ent tai golrangén anárk
Kajjalit shap ke tai bik shepári bátant
Pa tai háterá é suchinén pégór ché ant
Má mayári án, mayári án, mayári bátán
Shát tákad kajay gendók pa béwánki bit
Páshk bátán agan halkay na gomári bátán
Atá Shát