Ars bórénán, surmagán kanán
Keshkán sáyán o didagán kanán
Wat wati andará mabit jágah
Man watá anchó sháhegán kanán
Labz jálár bant zhalángókén
Shayr dóchán, kathurá mán kanán
Biragá gah makant galag arsay
Didagán pa taw sárbán kanán
Taw mani syádiá delá myáray
Anchén mondriké lankokán kanán
Sestagén hawri trampán bádénán
Mósomá jigay mohragán kanán
Zatk o zahré dege machent Armán
Band o bógá sharáb mán kanán
Hálek Armán