Koblén Darwázag

Koblén darwázag o kórén darig
Kay bepólit é tahnáián
Kay bemárit é wayránián
Kay bemannit ke rozhn andar ent
Chér o sar ent
Syahshap ent
Koblén darwázag o bétawárén tawár
Koblén darwázag, thappién dast o chamm
Koblén darwázag o bésamáén hatam
Chincho béhájat ent zendmánay neshán
Kay bezánt mehr kall ent kojá?
Kay wapáyáni sadsálén tásáni passawán bedant?
Békesás dard o dór o abétki
Békesásén tahári o bébáwari bale
Koblén darwázagán cha hamá dém, rozhnay sapar zendagiay sapar
Meskén arwáháni ájuiay sapar

Karimah Balóch