?

Maná shamósh!!
Man mehray bémehrén sáheg án!
Mani mehr, mehráni mandará
Hamok mehri bándhomá
Mehray hodá lékit!
Man cha karnán bémehrén rahgwazá
Pad gerán, sar janán, talwasán,
Dém pa bénámén mehri menzelé, pa taw rasetagán!
O tai mehr?
Bémehrén wábé!
Mehr mani, mehray shapay estáray mermeránkén bramsh!
Tai tránag, tai zahir, tai mólom, tai gam, tai wapá
Koll bémehriay “mandr” ant
O man é dors
Néstiay mehray máneshá zendagén mehraéy kashá wápéntagant!
(Pa kaddhanén mehráni bémehrén óstá)
O maná mehr ent
Gón wati mehray bémehrén tahnáiay mehrá!
Hamá ke mani zenday awali o ásari mehr ent
O mehrnadistén mehré!
Man mehrá chón shamóshán?
Ke mani bongéj mehr o ásar ent mehr!
Maná shamósh!
Anchósh ke “mehr” mehrá shamóshit
Bémehr bémehrá
Man mehray aksgeray mehráni goddhi meh rán
Gón násarjamém mehráni akséá
Ke áiay máná nésti o náométiá abayd
Dege hecch but nakant
Maná shamósh!!

Mobárek Kázi

Dasambar-1984, Shál