Mehray pedhá ke hónén arsán chárag lóthay byá
Rókén deláni ásén dardán márag lóthay byá
May yátáni bánórá singárag lóthay byá
Darday ragámá, zerday dhagárá gwárag lóthay byá
Margay sagáray zeh ke manárá kosht nakant jazm án
Zenday mazárén dastay seláhá dárag lóthay byá
Kwahnén dódán chont deláni mehr kotant bégwáh
Pa may jaháná nókén rasmé árag lóthay byá
Tors o gonáhay, lajj o mayáray ozr kojám dhakká
Man ke tará o taw ke manárá bárag lóthay byá
Mobárek Kázi
Aktubar-1984, Shál