Kollon zabádmálén gón mehlabán razéntag
Bánór wáhagáni pa náz sambahéntag
Pa bánokén gohárá chón brátay chamm sohr ant?
Ke gorkiay tawárá wábá cha paddarahéntag
Byá oo parirawájén Mahnáz pa maná ke
Chó Ómará maróchi par taw zabád méntag
É dahrá bémorádi ganjé pa bémorádán
Man pa morád zenday har sózmán trahéntag
Do gál jawr o tahlén atkag mani zobáná
Ke darday shirkeniá marchi maná soréntag
Mobárek Kázi