Man rájpaházén daptaráni tahá gón hónán wati nawisán
Ke cha maná rand
Pa golzeminay mazárén baccháni rahnesháná
Mani é shayrán hamok diwal o seng o dhókay sará nawiset
Ke tá bezánant rájpálén saráni wájah
Wati watanmátay mehray ráhá
Watan ke karnán cha ádamizátay zenday ázátiay neshán ent
Watan ke imán o mehr o mahzab
Watan ke har rájay sharap o shán ent
Watan ke Enjil, Wayd, Gitá, Zabur, Tawrayt yá Korán ent
Watan morádáni golzemin ent
Watan sabáhay golén samin ent
Watan baháráni rang o drin ent
Watan ke nést ent ta hecch namánit
Watan ke hast ent má zendag *án, zendag *án, namir án*!!!
*án = én
Mobárek Kázi
Parwari-1983, Karáchi