Pa chandhagá
Gamáni gwánzagá
Delay
Hazár holl o wáhagán
Chó Sháhe Tork zalemén hawas kotag
Morád zendmániay ke pádmál butagat
“Hayál pákdámonén” “ gonahgárén nawbatay” “badápbuén menzelá”
Pa mesk o mehlabán zarit
Bahársanj mósomi maná ke solloki dayant
Ta zerd kódeki zarit o man kapán gamáni kuromay tahá
Sochán
Kabáb bán
Zárán
Mani ke “zend” bastagesh
Mán zolm o jabray sánkalán
Mani “zobán” bétawár o “wák” béwas ent
Ke maná golám kortagesh
Maná malám kortagesh
Bale
Man angatá
Gwamé tabáhjáwarén delá
Pa zenday shádehán zarán!!
Mobárek Kázi
Mai-1982, Macch