Taw kaypgirén shishagáni lezzati sharábé ay
Taw wantagén ketábé ay
Taw sestagén golábé ay
Chó sarpachén sarhangá
Hamok nábezántéá tai
Mastiáni lonjén zer
Pa bard o kayl gwázetag
Taw anchén yakk tayábé ay
Ke narmén raékay narmagén delay sará
Tai nashoshtagén badan
Chó máhekán sambarit
Bale delon zarit
Delon zarit o talwasit
Ke zendmánay náhodá
Tai hawasay bójiá*
Gón dawr o pelmelán barant
Pa béneshánén menzelé!!
Mobárek Kázi
*Bóji = Bójig