Chón Besahdhénán Delá?

Chón besahdhénán delá?
Chón besahdhénán delá?
Ke delá ásé bon ent
Gamay jambar pa dradi
Saht o damán ér dayant
Trongalén ars shalant
Gwát ham kasshit agán
Ázagén thapp kodant
Ke delá ásé bon ent!
O delay ás cha arsáni
Shalán sárt nabit
Pa man emróz tahár!
Ráh mani danz o gobár!!
Cha maná harkass shezár
Ke gam o ranjay tahári
Cha delay ásá narawt
Ke delay ás tai mehr o wapáay
Dád ent!!
Oo mani sáhay badal
Pa tai háterá man bitagán dardáni mayár
Bale angat cha tai
Mehrá perámósh nayán
Man wati zenday
Hamok bahrá tará yát kanán
Delá shát kanán
Ke mani sáh taw ay
Ke mani ján taw ay
Ke mani din o mani mahzab
O émen taw ay
Bale tai óstá “wati”
Chón besahdhénán delá
Chón besahdhénán delá

Mobárek Kázi