Oo thalu thálu sharsar o zamzilmahparén
Taw chedán atkay, taw golén mehrjáná nadist
Man golén mehrján distagat shahjui saré
Chamm shódit o dastá mán giwárá moshit
Pád shódit o malmalén kwashán kayl kant
Oo bachakk espéchádarén, maná drangá ér bekan
Man tará drangá ér kanán sohrpashkén jenekk
Man tará drangá ér kanán, maná mozzá ché dayay
Yá gwaray hárá yá wati dastay sangahán
Man chón kanán hárá gón tai dastay sangahán
Man lóthán tai kushén zánsar o dokkánén gwárán
Goh mawar gohwárén mani bábóay shepánk
Sálé gón méshán, shash máh gón hinárén bózán
Man arzoni dáné bán hamá polkán rechán
Man sabzkapoté bán tará chombán chenán
Man talli kargoshké bán hamá sartallán charán
Man shepánké bán tará dazlatthé janán
Man zámori thálé bán talári lambé rodán
Man kohgorándhé bán o sarhajgán charán
Man thithlén áské bán hamá gyábán o ladán
Man sayyádé bán káyán tai gwátá rad dayán
Man tehépé bán o hamá lordán léth warán
Man naigé bán o tará lordán dar kanán
Lassahén máré bán hamá gyábán o ladán
Jógié bán o tará kárán pa damál
Man bayramén págé bán hamá sálónkay sará
Changjanén dhómbé bán tará dádán gerán
Man gwánzagi teblé bán o shágá layb kanán
Malkamut jawr bán o tará chombán chenán
Del mani kasshit day wati shahdén lezzatán
Man tai bánór án, byá mani siri kellahá
Ómar Kilkawri