Kass pahr mabandit pa dábáni golén lálán
Man zandhén radé wártag byá cha man beger hálán
Angat ham delá kahr ent ke hecch nasaggán man
Sóchókén shegánáni droshtag maná dombálán
Taw harchi goshay karzay mahrang é mani hál ent
Dazbandi o arzá án gón kásed o rabbálán
Dér ent ke yakim án man del angat ómétwár ent
Batter maná wayrán kot é nék o badén pálán
Del angaré sóchókén goptár chó ásá ant
Man ázagén thappáná per dárán wati gálán
Beh móm nabit zánán pa man tai sengén del
Sharr zánay ke say sál ent Hánol pa tará nálán
Man jazm án padá kayt ent yakk wazhdelén bárigé
Har rangá Sayad gwázén é ranj o gamay sálán
Sayad Háshomi
Kalákóth, Karáchi
Yakshambeh- 28- Jun- 1953