Zolpay nódán, chammay kaypán ráh day márá kár kaptag
Zendagiá márá bass pa yakkén kárá, kár kaptag
Dém pa démá, do pa doá shap sabáhay zánsarán wapt
Opp mabátán, man merátán pa man yárá kár kaptag
Rahsaray har danz, danzá ján shoshtag cha galá
Poll bánór ant ke lálá malgozárá kár kaptag
Pa tará warnáiay har máh o mósom tonni ent!
Byá shapé chamm o do chamm kan bétawárá kár kaptag
Meskén sargwátá mani góshán habar kot halwatá
Byá Nesár tai wástá marchi chamhomárá kár kaptag
Nesár Isop