Dóshi wati gardesh kotag béhál zeminá
Ér atkag cha ázmáná do estál zeminá
Bárén ke kadi wátarr kanant máhay saray mardom
Pasht kaptag dege chincho bogosh sál zeminá
Lóthit ke bedant dáné wati chórahén chokkán
Kal kortag hamé mardá wati zál zeminá
Ázmánay sapar bárén chónén nawbaté byárit
Enshálah man káyán, mani sambál zeminá
É gwát ke kasshit goshay yakk shayré delá kayt
É hawr ke gwárant o keshant gál zeminá
Genday chó Zobayray wadhá harkas bebit sháer
Zánán ke nabit róch o nabit hál zeminá
Zobayr Moktár
10.11.1998 (Passeni)