Mana zamánagéá Razá Jahángirá jost kot ke ráji jonz chón démá shot kant.
Man passaw dát: Harkas jonzá wati bekant, chóke mani mát, mani pet, mani brát, hamé rangá mani jonz.
Razáyá maná jost kot ke é rangá jonz mahdud nabit?
Maná yád ent man passaw dát ke ennán. Parsnal (Personal) bit. Mardoméay meragá áiay hándán halás nabit. Áiay brát, gohár, chokk, nomásag, syád, sángband, sangat, dráh démá rawán kanant. Jonz hamé rangá démá rawán kant
Razáyá maná jost kotagat: pa mardoméá jonz kadi halás bit?
Man passaw dátagat: hamá wahdá ke á merit.
Taw ke mortay bezán pa tará jonz halás?
Man gosht haw.
Bezán mardoméay meragá jonz namerit? Razáyá bechkandet o jost kot.
Man ham bechkandet.
Razá mani cháragá Balóchestán Akaydhami Torbatá atkagat. Má dérán nesht, gapp jat o padá áiá gón man aksé kasshet o shot.
Marchi ke Razáay jend shotag o wati jonzay bahry pa mardomán ér kotag o démá jonzetag, man Razáyá gapp hál dayag lóthán, man áiá goshag lóthán, Razá! É rásté mardomay meragá rand jonz namerit. O bale Razá! Mardom ham namerit.
Hamé damáná yakkéá darwázag thokket o man kalam ér kot.
Darwázag pach kot. Cháret kass nést at.
Hanip Sharip