Mani béli mamunjá móloméá
Nawán taw gir káay mardoméá
Golábay poll sarjáhé rawán day
Zahir tai konthagé pa dróshoméá
Sechén shénkán chetag ambázán máhé
Pakiré gón kaptag tóroméá
Man hast án dráhján shogr ent hodáay
Kaláté chón rojit pa mardoméá
Ajab é nawbatay zébáén ás ent
Chó kunshá sanj máh o mósoméá
Do angar kasshet o sojdah bená kot
Agán tai námá sar kapt kuroméá
Beleppit pátuay ambázagá srén
Á pollay chudh chó ábréshoméá
Hamé golbág pánén del mani ent
Badal bit róché rang o dróshoméá
Man o taw yakkén máray wártagén én
Maná Manzur goshtag mardoméá
Manzur Besmel