Dóshi nódáni mólomán gwartag
Didagán zerlambé rodán bitag
Sénagay régestán zarán bitag
Kárch mán jádhén didagán bitag
Del mani boddhuán warán bitag
Cha doén didókán rechán bitag
Tramp trampá o sambarán bitag
Kóhé o kóhéay sará dambé
Dambéay poshtá báragén mardé
Báragén mard o ájezén mardé
Ájezén mardá sáz báléntag
Lágarén mardá del wati moshtag
Sarzeháni padáni angárán
Cha negáháni métagay daggá
Zédéá shahkawré tachán bitag
Bénagén shir sar rechán bitag
Surmagén sartallán shalán bitag
Názbu bangáni tadhán bitag
Gwát shirán gelay mechán bitag
Dóshi dráhén shapá zeray démá
Tonn kachkóléá gwarán bitag
Mósomá megrázé dapá bitag
Dráhén báládá ér kapán bitag
Poll o sarchudh sar chenán bitag
Táj Balóch