Ázmán dastay delá ent chó zeray ádénká
Jambari sách nabant, máh gwazant, sál gwazant
Santh shaprólahén táleh, tai estál gwazant
Sáwadhi nód nashanzant japén talláni sará
Trampoké ars nagwáhit delay walláni sará
Mósomá áp nabant tonnagén walláni keshár
Ás hoshkáwagén drachkáni badan tonnig ant
Hoshk o gimortagant poll mehlabén bágáni goláb
Sotkagant róchay zarábá cha kapótáni kodu
Trampé arsá cha zebahr ant may golén hóthag o ju
Pahk békayp ant morádáni abadmánén sharáb
Brahnag ant Ballay kahir, Kéchay chenáláni wadhá
Záperánmahparén kádháni jagar sárt nabit
Halk chamdár kadi bárén geróké shahmit
Kayt bahárgáhay golén kádh gón basshámi jodhán
Burr o bar kárant padá meskén ragámáni samar
Mehray barwardán chashant, park nakant gandag o sharr
Mobárek Kázi
(Háni Máni Mátén Watan)