Mehray sháné tará chenán o dayán
Dódmáné tará chenán o dayán
Taw ke hamráh ay zeminay keshkán
Ázmáné tará chenán o dayán
Máh o estál tai chammán wapsant
Surmadáné tará chenán o dayán
Wahd waptag sagáray sácháná
Byá kamáné tará chenán o dayán
Bell chó arsá tai kotthá berechán
Tai nesháné tará chenán o dayán
Bu kapóté o delay bastá byá
Buch o dáné tará chenán o dayán
Taw mani pádán keshk pédhátant
Man gedáné tará chenán o dayán
Parchá thahláni teláhán réchay
Nogradáné tará chenán o dayán
Belly póshit Monir may ahdán
Byá zobáné tará chenán o dayán
Monir Mómen
(Yakk Bechilé Ázmán)