Yarróché shér nádráh at, godhá áiay chárag o hálshóniá dráhén rastar shotant, tahná róbáh nashot. Shérá, róbáhay némagá kolaw rawán dát bale róbáh áiay cháragá nashot.
Shér cha nádráhiá wassh but. Yarróché shér gón róbáhá dochár kapt o goshty, “Róbáh man nádráh butagán, taw mani cháragá nayatkagay?”
Róbáhá gosht, “Wájah! Tai nádráhiay hál maná sar butag bale man hóndhá pa taw chellag kasshetag o dwá lóthetag ke taw dráh o salámat bebay. Agan man dwá malóthetén, taw narakketagatay.”
Shér cha róbáhay hamé gappá padá wassh but o róbáhy máp kot.