Do dozz atant ke á ballokay lógá dozziá shotant, wahdéke lógay tahá potertant, godhá balloká kukár kot o cha hamé dozzán yakké tahtay chérá shot o thappet. Dege yakké logay démá hazárbanday sará shot o nesht.
Cha ballokay kukár o jaggáyán hamsáheg tachán but o atkant o ballokesh jost kot, “Ché butag?”
Cha dozzáni torsá ballok hecch goshagi naat o tahná wati dasty borzá shahárt (bezán hamé goshagá at ke Hodá bezánt).
Hamé dozz ke hazárbanday sará neshtagat, é sarpad but ke balloká maná distag, dastá mani némagá shahár dayagá ent. Pameshká hamé dozzá gosht, ke “Taw tahná maná distag, tahtay chéraygá nagenday.”