Man chó kapotá
Nalán pa dóstá
Shaydá án chó Ómará
Shap syahtahár ent
Rah pahká gár ent
Jambar shalán ent sará
Béwas án chó man
Nádar án chó man
Chonchón rasán pa tará
Jendon azáb ent
Sinag kabáb ent
Angat shegánon sará
Wáhagay ráhá
Gár kanán sáhá
Érjig kanay chont bará
Neshtag o nalán
Porrigén sálán
Pa Hánolay háterá
Dardán dawá nést
Dóstán wapá nést
Arzá barán kai gwará
Man chó kapotá
Nalán pa dóstá
Shaydá án chó Ómará
Sayad Háshomi
Karáchi, Jun-1953