Pa Maná Sabzén Omété

Pa maná sabzén omété, pa watá mán gisshetag
Gam tai dróhápé wahday shahragá mán gisshetag

Taw mani maymárá zort o bétawárá lekketay
Del wati wayránagiay gezdapá mán gisshetag

É bazén mocchiay nyámá shengetag pahmag nabit
Tai tawáray bétawári chó maná mán gisshetag

Man tai ázmánén eshká kángadhaw bál dátagant
Golzemin chó dhirahéá pádagá mán gisshetag

Taw maná é shayr o ezmay rózhnáén repk o ráh
Yabbaré gisshéntag dátag o padá mán gisshetag

Nun watá gón dap kapit o nayke donyáyá wati
Marchi én mardom hamesh ent ke chathá mán gisshetag

Ché kanay marchán hayál o labz mani dastá naant
Tai satáay mósom ent tai o satá mán gisshetag

Digeray háshómiá chent o dochápi kant Amir
Bánzoli táé ke gwátay parragá mán gisshéntag

Amir Dóst

Leave a Comment