Rawán Kanán Man

Mobárek Kázi May 2, 2025 69 views

Lewár bit yá bahár o jambar, rawán kant shap, rawán kanán man
Tai yát káyant manárá delbar, rawán kant shap, rawán kanán man

Nay atk hayálé, nay atk zahiré, na tránagé na malár o giré
Hamésh ent tahnáiáni ásar, rawán kant shap, rawán kanán man

É jang ke gón watá bená ent, é jang dán kyámatá nakotthit
Maróchiá ger dán róze mahshar, rawán kant shap, rawán kanán man

Hamá morádáni ábréchán ke darday mósom kadi nahallant
Maná hamá damk o métagán bar, rawán kant shap, rawán kanán man

Móbarekárá sharábjáhay tabá hamincho hómar kortag
Goshit dán arshá bebán agán sar, rawán kant shap, rawán kanán man

Mobárek Kázi

Hamrangén nebeshtag