Ásá Sargwaz Bekanán

Shams Tabréz August 9, 2026 207 views

Ásá sargwaz bekanán ápay negáhán bogwazán
Kandán kandáná gamay métag o shahrán bogwazán

Chósh wa but nakant mardom o káráni tahá
Man tai bechkandagán yakk sahté macharán bogwazán

Pahr o sháni bebán jangáni morádén bámán
Mát shádán bebit, man gón seláhán bogwazán

Incho ásán nabit wahday lakirá cha gwazag
Man gón armánén delé wáb magendán bogwazán

Chér bedián delay dardán, bekanán ráz gamán
Sakká hamósh bebán métagay damkán bogwazán

Man hamé shakkalén nyádáni nagendán wábá
Del wa lóthit ke hamé zahrá betengán bogwazán

Taw wa har saht wati sáhegay shóházá tachay
Man ón bénám bebán dasht o gayábán bogwazán

Pa maná pasht makapant róch gón máh o sálán
Anchó taw gwastagay, garmág o zemestán bogwazán*

Shams taw jenday wati shahrá darámad bátay
Tai wati dasht pa taw sahté majallant, bogwazán*
.............
*bogwazant

Shams Tabréz

Hamrangén nebeshtag