Chárdahá máh sambahéntag, man nedárah cháretag
Mósomá thappé kodéntag, man nedárah cháretag
Mósomá thappé kodéntag, man nedárah cháretag
Haw hamá shap angatá naksh ent mán jánay rag ragá
Taw delá ásé baléntag, man nedárah cháretag
Taw delá ásé baléntag, man nedárah cháretag
Balkén é gappá zamánag nókterén námé bedant
Delbará dasté soréntag, man nedárah cháretag
Delbará dasté soréntag, man nedárah cháretag
Chó zeminjombá tahá yakk chest o éré róch o shap
Zerd dardán zámbaléntag, man nedárah cháretag
Zerd dardán zámbaléntag, man nedárah cháretag
Yakk sabáhé dist bágá man ajab bésárié
Bolbolé pollá hazéntag, man nedárah cháretag
Bolbolé pollá hazéntag, man nedárah cháretag
Gón wati magr o perébán, gón wati zórákiá
Taw maná pónzá raséntag, man nedárah cháretag
Taw maná pónzá raséntag, man nedárah cháretag
Harkojá ke gendagá kayt kwahnén bán o bándhom ant
Nawbatán ahdé dhoréntag, man nedárah cháretag
Nawbatán ahdé dhoréntag, man nedárah cháretag
Káziá gón tyábay chawlán sajjahén shap gapp jatag
Ars estárán shaléntag, man nedárah cháretag
Ars estárán shaléntag, man nedárah cháretag
Mobárek Kázi
