Kojay máhekán, kojá kalkashán, na del ent edá, na badan tai!!
Kadi ahdé at, kadi omré at, nun man ón hamá, na badan tai
Mani dhéhay gam, chó gamay hatam, edá drapsh o raksh ent chellagay
É taháriá (na) shoházetag, man kojá kojá, na badan tai
Dege wahdé at, dege pásé at, ke wapáay áp pa tásé at
Nun bahá ke hón pa arsé ent, na rasit wapá na badan tai
Choshén kahrgranchén zamánagá, taw na bój mohragén dánagá
Edá tráwal ent na jagar mani, edá kahrabá na badan tai
Edá óst o ás doén jas ant, edá bám ché? edá shap ché ent
Ke namantag kassé pa mahrami, na tai Atá na badan tai
Atá Shád