Kambar namirán ent azal
Kambar chó Boláná boland
Kambar mazárkóhén jagar
Kambar gón sench o zánagá
Rájdaptaray damkán wadag
Kambar sagáráni badal
Kambar taláráni sapar
Gón johd mehr o mahrami
Kambar tai Alborz bit
Yá Gwáderay nilbómén zer
Yá Chágiay thappigén del
Yá mádaray arsigén chamm
Yá Yásaminay hónay tramp
Báláchay Górgéjén sar
Biráni sohrén sangarán
Yá Kalmatay Hammal bebit
Dád Sháhá Bamposhtay padá
Zendag bedárit gédiá
Chó Kéchay mayárjallén kahir
Sáheg samárit bazzagán
Wár o lagatmálén sarán
Arsán gón polkán kaptagén
Kórén darig o kóthián
Rozhnay sabáh
Estálay bám
Dáem rawán
Dáem rawán
Hejbar najallit kárawán
Dánke azal barjam modám
Á Kambarén johday rawán
Karimah Balóch