Dege hecch gapp pa gappá sar nayatkag
Ke wádah dátagy delbar nayatkag
Dar atkag del hazár randá padá ham
Delá cha dard mehray dar nayatkag
Mani kotthá bebit mahgónagay sar
Choshén wasshén damán hejbar nayatkag
É diwán ent pakir o áshekáni
Nakortag mehrabáná sharr nayatkag
Shapárá zántag dán wahdi panáhé
Ke démá zolp tai delbar nayatkag
Delay dardáni Kázi mennawár án
É dánái pa simm o zarr nayatkag
Mobárek Kázi