Taw ke laddhay chedá sáhegán gwát bárt
Chárén némán mani bambaré sawt jant
Halwati zémeráni drahén proshtagén thokkorán
Morg sonthán chenant o chedá sar gerant
Óstmandén darigáni chamm
Sháeri dorrsombén zobán shahsawárén kalam
Shahm bechkandagay bósagáni jaleshk
Háréá gón bant
Hecch namánit bass bambaré sawt jant
Gón tai jonzagá zendagi gimorit
Mehlabán gwát bárt
Taw ke laddhay chedá rang nádráh bant
Sáhegán gwát bárt
Tai jetái tawáré ke máná nabit
Gam tawáné tai hecch dróshom nagipt
Chónén tahnáié shengetag holkahá
Róch nendit chammay tahá
Harchi andém bit
Didagán rahsaré hast na menzelé
Bass goshay bambaré
Kayt o óshtit kashá sawt jant
Bass bérangén yakk jangalé rostagén
Kassé hamráh mani nayke man éok án
Róch hast ent na shap
Chárén némán mani bambaré sawt jant
Sawt máná nabit
Rangé sahrá nabit
Monir Mómen