Man o Hodá o mardomé
Tán dérá dóshi neshtagén
Má yakkén dastá cháp chón jatag
Kasé sahi naent
Zemin o ázmán pa anchó layb o maskerá
Thahéntag o karótkagant
Azal cha abramá gón dast o dróh butagén
Wati ganókiá má póh butagén
Man o Hodá o mardomé!!
Koránay suratán kamátagén
Teláwatáni zémerán gón ars méntagén
Má báz randá zahr butagén
Delá cha kahr butagén
É kasteri o masteri ché ant
Maná pa sojdagé chagal maday
Man kaster án, taw master ay, é jédhahé naent
Maná bozur kópagá bekan
Manárá laybué beday
Maná cha mardomá mani masend
Hamáiá ke taw pa wájahi zetag maná
Gesar kotag cha harchiá
Hamáiá, hamá kasá
Man o Hodá o mardomé
Má marchán sest o sid butagén
Má sakk marchán gellah én
Cha durá hecch salám o dwá ón nést
Á wahdé at dege
Má shap tán sohb neshtagén habar kotag
Zemin o ázmán pa anchó layb o maskerá
Thahéntag o karótkagant
Hálek Armán