Hamráh ent

Ars bechkandagáni hamráh ent
Gam tai wasshiáni hamráh ent

Pa tai shóházá róch rawt goshay
Sáhegé sáhegáni hamráh ent

Zendagi yakk nagoshtagén shayré
Dastay tai sangaháni hamráh ent

Róch gamay sázá gón maná sázit
Shap tai halwatáni hamráh ent

Dróshomay lehrahán gón hamswád ent
Del mani didagáni hamráh ent

Dard yakk béwapáé at sestag
Mehr bass kessaháni hamráh ent

Nun cherágáni gellahá kay kant
Róch wat sáhegáni hamráh ent

Monir Mómen