Sharr zánán mani arwáh mani sáh ay Hánol
Zendmániay golén menzel o ráh ay Hánol
Tai sharrangiay gappá bejanán ché bogoshán
Taw wa sharrangiay péshániay bráh ay Hánol
Máná sóchay maná bréjay maná sajjig kanay
Mani ásén delay dar kaptagén áh ay Hánol
Parchá emrózay shegánáni kamánán torsán
Taw mani deljam o yaddhakkén seláh ay Hánol
Cha tai kollá man panjáh o do menzel dur án
Angat har shap mani wábáni sepáh ay Hánol
Róché sad randá sawáb áiay chágerd bayant
Sayadá kortag hamá nékén gonáh ay Hánol
Sayad Háshomi