Delbarén kawsh nayatkag gón tai washbuán edá
Kotén giróshag maná jigay á názbuán edá
Incho wayráni nabut jangal o gyábáná mani
Zémeray mohrag berétkénant tai kukuán edá
Piriá dard o gam o ranjá abayd hecch nadát
Del goshit zir kasániay tai gókuán edá
Wat watá waddham dayán watgalá pimázay mesál
Zánagé nést o nazort zánagay mátuán edá
Pád kotag bázén nehál, rostagant ni birr o bar ant
Shand o kawrjuán, mani shakkalén shahjuán edá
Pa dap o sonth kanag róch wati gwázéntant
Choshén táhir nadát chárag o á ruán edá
Neshtagán dast zanuká ent, paréshán án man
Bárén kad kárit samin mehlab o tai buán edá
Dashti waptán man hayáláni tahá gwánzagéá
Maná kandéntag mani hamsarén mókuán edá
Mahmján Dashti
