Bahillén séthéay gesá mehmáné atk. Séthá wati zahgárá gosht boraw bázárá séré sharrén halwá beger o byár.
Zahg shot o padá hoshkén dastán atk.
Séthá jost kot hálwá nést at?
Zahgá gosht man shotán halwáiay kerrá o gosht ke séré sharrén halwá beday. Áiá gosht man tará anchén halwá dayán purah némag. Man hayál kot parchá némagay jend magerán! Man némagay dokkáná shotán o gosht séré sharrén némag beday. Áiá gosht man tará anchén némag dayán purah bénag. Man delá gosht bénagay jend gerán sharter ent. Shotán bénagay dokkáná o séré bénag lóthet. Áiá gosht man tará anchén bénag dayán ke chó ápá sáp. Man cháret áp wa gesá wat hast pameshká hecch nazort o atkán.