(Gellahé gón Amir Moáwiahá)
Hayálay pahkén ázmán
Gept syáhén jammarán
Gamay gamé rodán bit
Delay dhagáray nápagá
Hazár sál gésh man
Tahárián gón chér o sar
Man parchá mán gishetán ?
Man parchá gishagá nahán ?
Delá gón drikagá nahán ?
Mani chiá mani nabit !
Man chammán chón bedárán pa
Arastuay sarámadán
Nán wánán Kánth o Haygalá
Watárá rép dát bán!
Padá man káyán pa tará
Pakirdróshomén hamá
Mojáhedáni pólagá
Ke rástiay panáh atant
O wáhagay lekáh atant
Hamé padán gerán bán
Pa hobb o wáhagé rawán
Ke gendán drájén patthéá
Sawásé kaptag sestagén
O nók o annigén padé
Zeminá ér kasshetag
Gón gellahén zobánéá
Shapáni wábay kimatá
Chedhekkahé delá gwazit
Padá manárá dróhetag
Padá manárá dróhetag
Latip Ázát
11 Satambar 2025
