Bé taw sártén shapán zemestáni
Héd bit zendagiay pésháni
Taw ke cháray tai didagán bokkit
Jangalay sabzokén pashómáni
Yakk damáné tará magendán man
Band bit ent napas é chammáni
Chincho bérang o béhonar butag
Del ke donyáé at kehébáni
Gend kwahnén sorózá emrózay
Sor badal kortagant rawájáni
É chié má wati sará dátag
Róché wáheshtéay negahbáni
Hastiáni sabakká wánénit
Ji pa naksh o negárén hayráni
Bátenay jangalá padá hawr ent
Káshy misséntagant mechácháni
Bé taw é shahd o shir emrózay
Tahlén darmán ant bass tabibáni
Anchó hámóshi ent, benálit wat
Del wadárá makant kapótáni
Monir Mómen
