Gongodámén bándhom ant, mardom koj ent
Béwapáén mardom ant, mardom koj ent
Anchén wayránén dayáré rasetagán
Gárén morgáni ram ant, mardom koj ent
Gón maná hamráh chárén mósomán
Bass napasgirén gam ant, mardom koj ent
Áiá ke rájay dallári kotag
Sarmachár may deljam ant, mardom koj ent
Ér nendán ent tahári rag ragá
Shapcherág zardén chamant, mardom koj ent
Sáhegá róchá cherág dastá kotag
Kázi mardom bégwam ant, mardom koj ent
Mobárek Kázi