Goshant mardom badal butag zamánag
Cha hoddá borz raptag zánt o zánag
Bale é del hamá ent ke hamá ent
Manárá jost kant é sohb o bégáh
Kadi barén zerá ózhnág kant róch
Kadi bit drin máhay chahragá jant
Kadi estár káyant golzeminá
Kadi alhán kant kawsh chó kapótá
Kadi bit mótk bant názénk o hálaw
Kadi bit morg bant bágádh o bálu
Kadi bit kóh karpásá badal bant
Tai bechkandag mani shayr o gazal bant
Kadi jambur bit ásé mán ápá
Gerók cha didagán nódi shalán bit
Kadi náshi chó sargwátá bekasshit
Kadi enjir chó náhá bepasshit
Kadi ensán padá chó shádóá bit
Kadi ensán sarpad bit watárá
É donyá jódh bit nókén jaháné
Kadi é zend gendit é morádán
Kapán man mardománi dast o pádán
Goshant mardom badal butag zamánag
Bale é del hamá ent ke hamá ent
Kadi barén badal bit
Mobárek Kázi