Kawr o gayáb o kilag, kóh o daman bahá bant
Jáhé taman bahá bant, jáhé watan bahá bant
Sawdágerán jahánay har chizay nehád bastag
Brátáni gayrat o nang mardáni jan bahá bant
Taw pa golábi pollé arsán maréch bolbol
Baniádamáni shahrá porrén chaman bahá bant
Sad ranj ke maróchán brátáni dém pa démá
Gránmahzabén goháray lontháni pann bahá bant
Cha dawray gardeshá é donyáay rasm thahetag
Jóná dayant kabrá nókén kapan bahá bant
Mobárek Kázi